Sojojin Najeriya Sun Yi Kaca-kaca Da Masana'antar Bindigogi A Kaduna, Sun Kwato Makamai.
Dakarun rundunar ‘Operation Safe Haven’ sun gano wata masana’antar kera bindigogi a garin Kafanchan da ke karamar hukumar Jema’a a jihar Kaduna.
Sanarwar da Rundunar Sojin Najeriya ta fitar ta hannun jami’insu na X a ranar Juma’a.
An bayyana cewa gano wannan lamarin ya biyo bayan wani bincike da aka kwashe tsawon mako guda ana yi, wanda a karshe ya kai ga cafke wani dan bindiga da ake nema ruwa a jallo, Napoleon John, wanda ke cikin jerin sunayen 'yan ta'addar OPSH da ake nema ruwa a jallo.
Wanda ake zargin, wanda ya amsa laifin da ake zargin ya aikata, ya jagoranci rundunar zuwa wata masana’anta da aka boye, inda wani dan bata-gari mai suna Monday Dunia ya siyar da makamai daban-daban, wanda ya amsa cewa ya shafe sama da shekaru biyar yana wannan sana’ar wanda ya haifar da rura wutar rikicin Kaduna, makwabciyarta Jihohin Filato.
Binciken da aka yi a masana'antar tare da bin diddigin aikin ya kai ga gano makamai daban-daban da suka hada da bindigu, bindigogi kirar AK 47 na gida, bindigogi kirar AK 47 na sojoji, da revolver, da kuma wata karamar mota.